保護?

幾日前去飲, 開席前叫老婆自己去行街, 我睇住個女, 個女訓完覺,發覺唔見咗阿媽, 就喊住周圍搵阿媽,點TUM佢都係一樣...
到食完飯返屋企,搭地鐵途中個女又係死痴爛痴住佢阿媽,老婆叫佢唔好落BB車, 佢又喊住扭計話要落地,咁老婆就放佢,我就發火話個女:"你都無用架,成日痴住阿媽" 再鬧老婆:"個女咁樣咁點返學? 不如取消個幼稚園位啦,慳返啦! 呢頭叫完佢唔好落地, 轉頭又放佢落地, 難怪佢宜家成日扭計啦, 扭吓就乜都得!"
之後, 我話約咗阿媽第二朝食早餐, 佢話:"今日咪見咗囉", 我話:"今日佢打牌, 都無傾過偈"

到咗訓覺時間, 我老婆訓唔著, 原來佢係度喊, 我問咩事呀, 佢話:"你係地鐵鬧我哋兩個,我覺得你好過份", 咁我話:"SORRY,你都知我呢幾日好煩,脾氣唔好.SORRY囉"
佢話:"我覺得你一D都唔錫我同個女."
我話:"你講多次, 你真係覺得我真係'一D都唔錫'? 零分?"
佢好堅決咁話:"係呀,你都保護唔到我O既"
我話:"我幾時保護唔到你呀?"
佢話:"你由得你阿媽蝦我, 趕我同個女走, 又唔幫佢補習, 一D 都唔錫佢"
我話:"我畀咁多物質生活你,返工或放工都會關心問候你,你話攰唔想COOK,我就話出去食,你想按摩我亦幫你按,你想我幫你做家務,我亦會做無投訴,你日日話攰, 你唔想做的事我都無迫你去做, 咁都叫一D都唔錫?"
佢依然話係.
我心諗都無畗最講嘢啦,當佢姨媽到亂諗嘢,佢繼續話:"你或者當你阿媽係好人,但我覺得佢係仇人囉,你點解明天仲要同佢食早餐唧,唔陪多D 個女?"
我話:"宜家又無叫你去,去亦只係個零鐘,早上都會帶阿女去PARTY啦,到時陪返又有幾大分別呀?"
佢話:"你都無諗理我感受"
我話:"我知你同佢有心病,我努力緊架啦,不過呢排無大事發生咪暫時唔攪住囉"
點知佢話:"你想有事發生好易唧,我星期四就唔去你阿媽生日餐飯!"
佢之前先介意我"好似無INVITE佢,唔當佢自己人",我同佢講一個月前已經講過,佢唔記得唧,宜家又話唔去,咁...即係點呢?
我話:"咁你又何必呢? 為啖氣係要剌激我? "
我心諗,你都一時勞氣先咁講,就無再反駁佢,

待續