老婆,
你不要怪我長氣, 但你反反覆覆地說邊個邊個"曾經"點對你唔好, 與人不相往來, 我勸過你好多好多次, "放下"吧!
我好唔開心, 我係替你唔開心呀, 你到今時今日都唔明白呢個世界的親友同你天生係無仇無怨, 相識是緣份, 你郤心對許多人多多不滿, 點解你睇人要睇得咁負面?
我不想同你講太多"道理", 但你真的太固執於既定的負面思維, 你內心總是害怕別你害你, 你總記住"失", 就算別人對你好你也不相信, 也很快忘記你的"得".
我阿媽知道你同佢之間仲係有心病, 都不再在我面前提起你, 沒有讚美也沒有批評, 她還說送iPad2給我們當是我們一家三口的2011年的生日禮物.
但是你呢? 係平平淡淡的一個夜晚你郤無端端再多次講我阿媽的壞話, "孤獨終老"這麽刻薄你都可以當住我面講出嚟? 這不是叫"直率", 這叫做"無禮", 你可以問吓朋友你咒你老公的親生媽媽"孤獨終老"是恰當嗎? 仲要在老公面前講, 我不相信會有人撐你. 你咒她"孤獨終老", 那就代表她的兒子也比她早死, 那你不也是咒你老公死? 咒自己"孤獨終老"? 咒阿女"痛失雙親"? 我阻不了你點想或係你朋友面前點講, 但請不要再在我面前說呢D 咁難聽的說話.
我阿媽幾唔著都好也不是你的殺父仇人吧? 你現在還不是住得好地地, ENJOY緊佢對"我們一家"的幫忙? 我同我阿媽唔CLOSE又點會幫"我們一家"五十萬首期加十一萬印花稅呀? 要你拎幾百蚊你都覺得別人食咗你隻車啦!
有幾個POINT我想再次強調:
1. 你不是世界的中心, 除了我, 作為你老公之外, 無人by default會對你特別差, 但同樣也無人會by default對你好, 你揀得我做老公, 你就要信我係真心對你好, 想你開心!
2. 你對人哋好, 人哋就會對你好, 你對人唔好, 拎人著數, 別人就會對你唔好. 就好像你說過別人拎你著數, 你都唔會再啋佢啦.
3. 有麝自然香, 真金不怕洪爐火, 你驚咩我姑姐"唱你"? 佢唱你會有人認同嗎? 你到底幾時先明白自己有咩問題可以改吓?
4. 你說別人對你好是因為別人對我好, 別人對你差為什麽你又不會覺得是因為我得罪人連累你? 所以你的想法本就不成立!
5. 別人誤解你, 我覺得最好的處理方式, 不是唔見唔解釋, 而係用行動去証明別人係錯, 令到對方知道自己有眼不識泰山.
寫完呢篇嘢之後我心情已平復, 希望上天能快D 令你多D 感恩的心, 少些埋怨.
希望你感冒好返之後有清醒的頭腦去認真思考我的意見, 不要再執迷不悟.
